Portugaisas e Portugais s’inscuntran per mangiar e far festa. Il punct culminant da la saira è stà musica, chant e saut. Mo ina da las spaisas naziunalas ha mancà: il pesch Bacalhau.
Sco in um ha ditg na saja quai betg pussaivel da cuschinar pesch per ca. 200 persunas. Mo in’autra spaisa naziunala n’ha betg manca: la feijoada, in fratem cun bagiaunas e charn.
Festa senza indigens
Perfin intginas persunas da la Bassa èn vegnidas a la festa - tranter auter Maria Ferreira che vendeva chalzers. Els hajan ina stizun a Schaan, ed il president da l’associaziun Mario Araujo haja envidà ella.
Lez ha ditg ad RTR ch'era ils indigens sajan stads envidads a questa festa; mo nagins èn stads preschents. In problem saja da communitgar in cun l’auter, ha il president manegià.
RR actualitad 08:00