Siglir tar il cuntegn

Header

Purtret da Sandra Araujo.
Legenda: Sandra Araujo enconuscha gia da pitschen ensi la Associação Desportiva Portugal 91 e sa legra sin la festa. RTR, Linus Livers
cuntegn

Surselva Festa portugaisa a Sevgein

La Associação Desportiva Portugal 91 festivescha ses 25avel anniversari.

Questa uniun era vegnida fundada sco uniun sportiva per dar ballape. Cun ils onns è ella sa midada en ina uniun da cultura e da sport.

Il placat mussa las musicas da folclora ed ils solists.
Legenda: Il placat è plains - sco il program per la festa portugaisa. RTR, Linus Livers

Uss dumbra ella bunamain 200 commembers. A Glion na s’inscuntran betg mo ils commembers da quest’uniun. Glion è daventà, entras il Café Portugais, il lieu da sentupada per tut il Portugais en Surselva.

Per la festa portugaisa a Sevgein spetgan ils organisaturs da la Associação Desportiva Portugal 91, da quai da 500 persunas. Dasper las differentas gruppas folcloristicas che mussan ils sauts tipics dal Portugal datti era plirs solists che preschentan cultura portugaisa.

Tar la cultura portugaisa tutgan era las spaisas tipicas dal Portugal. Tipic per las tratgas portugaisas èn las tratgas cun peschs. Sco Sandra Araujo dal comité d’organisaziun ha ditg ad RTR sa sentan ils portugais bain en Surselva ed els sajan integrads bain. Betg sco ultim perquai ch’i va simpel d’emprender rumantsch. Sulettamain la mar manchia ad els e cunquai era ils peschs.

Durant la festa portugaisa vegni a dar pesch e quai per tut tgi che visita la festa, quai ha Sandra Araujo garantì.

RR actualitad 08:00

Artitgels legids il pli savens

Scrollar a sanestra Scrollar a dretga