Siglir tar il cuntegn

Surselva Fevra da schlagher a Sedrun

A Sedrun datti ina nova occurenza da schlagher, l'entschatta settember vegn organisà en la halla polivalenta Dulezi l'occurenza «fevra da schlagher». Quai communitgescha l'uniun «Rheinquelle Events»" ch'è vegnida fundada da curt.

Sala da gimnastica da la halla polivalenta Dulezi.
Legenda: En la halla polivalenta da Sedrun vegn bainprest fatg festa – ils 7 da settember ha lieu la «fevra da schlagher». RTR, Hubert Giger

La finamira da «Rheinquelle Events» è dentant betg mo d'organisar «Fevra da schlagher» mabain er da planisar e realisar occurenzas da tut gener en la regiun Sedrun, Mustér ed Andermatt. Uschia duai era la collavuraziun tranter indigens e possessurs da segundas abitaziuns vegnir promovida ed era stgaffir lieus d'inscunter. Vinavant è previs da planisar e realisar occurenzas da tut gener en la regiun Sedrun, Mustér ed Andermatt.

L'emprim event – 7 da settember

Ils dis da schlagher eran fitg populars. E blers eran lura era da l'avis ch'ins duess – malgrà ils problems finanzials – manar vinavant in tal event. Uschia Silvio Schmid, il nov elegì president da l'uniun. Perquai vul ins uss organisar ils 7 da settember 2019 in event da schlagher en la halla polivalenta «Dulezi». Per pudair spargnar ils custs per ina tenda, han ins decidì da manar tras quai event en la halla polivalenta.

RR novitads 15:00