En tut èn var 50 stans da fiera occupads. Dal dumber ennà pia ina fiera tut normala – e betg la pli gronda a Glion. La fiera da vinars tradiziunala per exempel ha quasi il dubel dals stans. La fiera d'october ha dentant tut autras qualitads: Cunquai ch'ella ha lieu durant las vacanzas d'atun, è il public pli maschadà cun turistas e turists, però era indigens.
Corona para nagin tema a la fiera
La pandemia da corona n'è nagin tema tar ils stans. E tranter la glieud tut che sa mova senza mascrina ed i na dat era naginas controllas da certificat. Tschà e là datti la pussaivladad da dischinfectar ils mauns. Quai è tut che fa endament la pandemia da corona. La fiera d'atun dat uschia l'mpressiun ch'ina sort «normalitad» turna plaunsieu.
Da las 7 fieras da Glion dal 2021 è sulettamain quella dal mars era vegnida stritgada. Tut las autras han gì lieu.