La fiera da Nadal a Mustér è stada la sonda suentermezdi. L’aura n’èra betg ideala, ma quai n’ha betg laschà starmentar las visitadras ed ils visitaders. Uschia han blera glieud chattà la via a Mustér e cun 50 stans han anc mai uschè bleras persunas exponì lur products a la fiera da Nadal sisum la Surselva.
Bler zambregià sez
Sco la co-organisatura da la fiera a Mustér Rita Huonder ha ditg, saja ella fascinada da la varietad da la fiera. I haja quest onn spezial bels stans e la gronda part saja era zambregià sez. Uschia constatescha ella, che regals fatgs sez èn il mument en il trend, pertge oz possian ins cumprar tut cura e nua ch’ins veglia ma unicats sajan e restian unics, di Rita Huonder, ch’organisescha la fiera communabel cun Tina Bundi.
Alternant cun Tujetsch e Medel
L’uniun da dunnas da Mustér organisescha alternant la fiera da Nadal cun las uniuns da dunnas vischinas. Uschia èsi per regla adina en in auter lieu la fiera. Cunquai che l’uniun da dunnas da Medel n’è il mument betg activa, vegn la fiera organisada in onn a Sedrun e l’auter a Mustér.
RTR actualitad 07:00