Siglir tar il cuntegn

Header

audio
Mustér: Dapli plazzas tar vischnanca malgrà pe da taglia pli bas
Or da Actualitad dals 10.11.2021.
abspielen. Laufzeit 2 minutas 55 Sekunden.
cuntegn

Finanzas Mustér Damain entradas tar dapli expensas – va quai si?

Pli paucas entradas

Il settember ha la populaziun da Mustér decidì da sbassar il pe da taglia per 10% sin 110% da la taglia simpla dal chantun. La suprastanza vuleva sbassar la taglia be per 5%. Cun quai pass mancan 350'000 francs en la cassa da la vischnanca.

La vischnanca da Mustér vegn era l'onn proxim – era en vista al sbassament da taglia e l'augment da plazzas – tuttina a pudair preschentar in preventiv equilibrà.
Autur: René Epp president da vischnanca Mustér

Dapli expensas

La fin d'october aveva la vischnanca annunzià ch'i vegnia a dar in auzament che pertutgia pliras plazzas che vegnan auzadas parzialmain, e ch'i vegnia a dar ina plazza nova dad 80% en il servetsch tecnic. En tut datti 1,7 plazzas dapli.

Sco argument ch'il quint duai tuttina esser equilibrà, malgrà pli pauc entradas e dapli expensas, numna il president communal René Epp il suandant: Tar la planisaziun da finanzas hajan ins constatà ch'i dettia anc spazi, perquai ch'i saja fin ussa vegnì planisà a moda pulit precauta. Quai spazi finanzial lubeschia da far las adattaziuns previsas e tuttina preschentar in quint equilibrà.

Reacziuns da la populaziun sin via

Ina pitschna retschertga sin la vias da Mustér ha tranter auter purtà las suandantas reacziuns:

  • «Quels san franc tge ch'els fan.»
  •  «Sch'i po en, lura è quai segir endretg.»
  •  «Sch’i dat novas plazzas, è quai bun. Plazzas da lavur èn adina bunas.»
  • «L'idea è buna. Sch'ins vegn da realisar ella, èsi uras ch'i vegn fatg insatge.»

RTR actualitad 12:00

Artitgels legids il pli savens

Scrollar a sanestra Scrollar a dretga