L’interpresa d’energia da Lucerna CKW surpiglia la firma grischuna da fotovoltaica Soller-Partner Electro. Uschia vul la filiala da l'Axpo crescher en la sparta da fotovoltaic. Ella ha gia fundà in domicil a Flums SG, e veglia er daventar pli preschenta en la Svizra Orientala.
Tut las persunas occupadas tar Soller-Partner Electro sajan vinavant occupadas. Il possessur Robert Cavegn vegnia vinavant ad esser responsabel e manar la firma. Soller-Partner SA han duas filialas, ina a Vella ed ina a Domat. La firma è sa spezialisada sin fotovoltaica. Er la CKW installescha implants solars: tenor atgnas indicaziuns radund 700 per onn.
audio
Per tadlar: las novitads da las 14:00
ord RTR Audio dals 02.06.2023.
laschar ir. Durada: 3 minutas 23 Secundas.
