Flem - Auto è brischà cumplet

Sonda avantmezdi è ina automobilista da 31 onns charrada da Tumein en direcziun Flem che ses auto ha piglià fieu per motivs nunenconuschents. Ella ha pudì franar curt avant la fermada dal bus Auas Sparsas. Ella e ses dus uffants han pudì bandunar l'auto senza blessuras. Ils pumpiers da Flem han spert gì sut controlla il fieu. L'auto è brischà ora dal tuttafatg.