Cun Simone e Matthias Niggli Luder ha il comité d'organisaziun per ils campiunadis mundials da cursas d'orientaziun a Flem dus prominents a la testa. Detagls nua che las curas han lieu dastgan betg vegnir tradids. Mo tant è cler: las curas han lieu tranter Crap S. Gion ed il guaud da Flem.
Laax-Murschetg daventa il center da quai campiunadi mundial. Sco quai ch'ils organisaturs communitgeschan, duai quai dar il campiunadi cun las pli curtas vias davent dals hotels fin sin las pistas da currer. Parallel tar ils campiunadis mundials vegn era organisà la «Swiss Orienteering Week». Per quest event vegnan spetgads da quai da 4'000 participants.
Novum digital
En il sport da cursas d'orientaziun vegn preschentà in novum, la E-World Orientieering- Championchips. Ils emprims giugaders da quai campiunadi pon cumbatter per medaglias sin terren virtual.
Svizra forsa per la quarta giada
1981 han ils campiunadis gì lieu a Thun, l'onn 2003 a Rapperwil, lezza giada aveva era Trin manà tras cursas per Rapperswil. Lu hai dà 2012 ils campiunadis enturn Losanna, e forsa il 2023 a Flem.
RR novitads 12:00