Siglir tar il cuntegn

Header

audio
«Cuminonza romontscha Flem»
Or da Novitads dals 04.05.2022.
abspielen. Laufzeit 3 minutas 19 Sekunden.
cuntegn

Flem «Cuminonza romontscha Flem» s'engascha per la lingua

Flem è sin il cunfin dal territori rumantsch ed il rumantsch ha da cumbatter per il surviver. La «Cuminonza romontscha Flem» emprova da mantegnair il linguatg cun organisar occurrenzas. A la radunanza generala ha la suprastanza preschentà il program per l'onn current.

Ils giuven e las giuvnas mancan

La cuminanza rumantscha da Flem ha en il mument 107 commembers e commembras. Blers da quels sun en la vegliadetgna da pensiun. La cuminanza sa sprova da motivar era la giuventetgna da s’engaschar per il rumantsch a Flem.

Suprastanza da la cuminanza rumantscha Flem.
Legenda: Suprastanza da la cuminanza rumantscha Flem La cassiera Renate Jäger, il president Hanspeter Meiler e l'actuar Giosch Gartmann. RTR, Reto Pfister

Vast program

L'uniun organisescha ensemen cun la Lia Rumantscha ils Cafés rumantschs sco era las guidas rumantschas tras Flem. Plinavant datti sairas da chant avert e s’entupadas ed excursiuns per la cuminanza. Per il november è planisà ina commemoraziun da l'enconuschent scriptur e poet da Fidaz, Gian Fontana ch’è naschì avant 125 onns.

Rumantsch en scola

Dapi il davos onn da scola porscha la vischnanca da Flem ad uffants da geniturs rumantschs la pussaivladad da visitar uras rumantschas supplementaras. Ina purschida ch’è vegnida introducida era cun l’iniziativa da la cuminanza rumantscha.

RTR actualitad 12:00

Artitgels legids il pli savens

Scrollar a sanestra Scrollar a dretga