Siglir tar il cuntegn

Header

La Waldhaus Arena, il bajetg d'arom, e l'entrada da betun.
Legenda: La halla da Curling sa chatta en la vischinanza dal hotel Waldhaus. RTR, Linus Livers
cuntegn

Surselva Flem duai cumprar halla da curling dal Waldhaus

Fin november po la populaziun da Flem decider, sche la vischnanca duai cumprar la halla da curling dal Hotel Waldhaus per 3,95 milliuns francs. Per il president communal ina schanza.

Per la ZCapital Group, l’interpresa americana che ha surpiglià l’Hotel Waldhaus il december passà, èsi stà cler davent da l’entschatta ch’els veglian sa concentrar sin il manaschi dal hotel da luxus. Perquai è era vegnì decidì da vender la halla da curling construida l’onn 2009 che po era vegnir nizzegiada per events e congress.

Offerta fitg favuraivla

Ils 27 da november decidan ils convischins da la vischnanca da Flem, sch’els vulan cumprar la halla da curling. E quai per in pretsch fitg favuraivel. Cura che la halla è vegnida construida l’onn 2009 ha ella anc custà 12 milliuns francs. L’offerta che la vischnanca ha sin maisa è da pajar 3,95 milliuns francs. Anc adina ina gronda summa per la vischnanca da Flem. Tenor il president communal Adrian Steiger possia la vischnanca dentant finanziar questa investiziun.

Investiziun en l’avegnir – betg mo per il sport – era per il turissem

La cumpra da la halla da curling è per Adrian Steiger ina schanza che la vischnanca stoppia nizzegiar. I saja fitg impurtant da dar vinavant il curling a Flem. Tant per la vischnanca sco era per la destinaziun turistica. La cumprà n'è per el era betg mo ina investiziun per salvar la halla da curling. La halla è numnadamain bajegiada sin ina parcella da circa 6’500 m² en la zona da turissem. Terren che stess en l’avegnir a disposiziun per promover novs projects turistics.

RR actualitad mezdi 11:00

Artitgels legids il pli savens

Scrollar a sanestra Scrollar a dretga