Ina cumissiun d'experts da campadi ha elegì l'uschenumnà glamping sin l'Alp Nagens or da tschients autras plazzas da camping. Ils gestiunaris hajan creà ina experientscha exclusiva da glamping sur il cunfin dal guaud en las alps».
Legenda:
Glamping (vegn da «glamour» ed «camping») sin l'Alp Nagens.
ADAC Camping
Oliver Grützner dal camping a Flem ha prendì encunter il premi durant la festa a Stuttgart mez da schaner. Grützner ed il «TCS Pop-Up-Glamping» mettan a disposiziun 20 tendas luxuriusas sin l'Alp Nagens a partir da la fin da zercladur fin a mez settember.
Ulteriurs victurs
- Camping du Domaine de Massereau: In implant fotovoltaic furnescha 100% energia or da funtaunas persistentas. Quai saja unic en l'entira Europa. Perquai survegn il campadi en la Frantscha il premi en la sparta «persistenza e conscienza per l'ambient».
- Holiday Village Florence: Tut ils bajetgs ed indrizs èn cuntanschibels per persunas cun impediments. Persunas tschorvas e persunas cun schleta vesida pon s'orientar cun spezialas cartas. Quai porta ad il camping a Florenz il premi en la sparta «midada da demografia e accessibilitad senza barrieras».
- Ostseequelle.Camp: L'entir process da reservar, check-in e check-out è digitalisà, perquai survegn il camping en la Germania il premi en la sparta «reservaziun da camping».
Cun il premi vul l'ADAC undrar ils trendsetters en il sectur da camping. 40 experts internaziunals elegian ils victurs e las victuras en las quatter spartas.
audio
Per tadlar: las novitads da las 10:00
ord RTR Audio dals 18.01.2023.
laschar ir. Durada: 2 minutas 31 Secundas.
