En in onn s'entaupa l'elita mundiala da la cursa d'orientaziun a Flem e Laax. Enturn 300 curriders e curridras or da 55 naziuns cumbattan per medaglias. L'emna suenter il campiunadi mundial spetga la regiun turistica Flem Laax Falera 3'500 enfin 4'500 participantas e participants per cursas popularas d’orientaziun.
Campiunadi mundial
Dals 11 fin ils 15 da fanadur 2023 ha lieu il campiunadi mundial da las cursas d’orientaziun. Il center da l'occurrenza ed el medem mument era dimora dals atlets e da las atletas è il RocksRessort a Laax. Las arrivadas da tut las cursas che han lieu en trais categorias èn en il Prau la Selva a Flem. Là vegn construì ina tribuna per dar plaz als 10’000 visitaders ch’ils organisaturs spetgan tar las cursas principalas.
Swiss O Week – l'eveniment per la massa
L’emna suenter il campiunadi mundial ha lieu el medem territori la «Swiss Orienteering Week». In'emna da cursa d’orientaziun per in e scadin. Ils organisaturs spetgan 3'500 enfin 4'500 participantas e participants e var 35’000 prenottaziuns. Durant quest'emna han lieu sis cursas che quintan la finala sco seria. Finamira da quest eveniment è da far enconuschent anc pli fitg Flem e Laax sco lieu per il sport da cursa d’orientaziun.