Siglir tar il cuntegn

Header

video
Flem: Plans per l'ustaria Lag da Cauma
Or da Telesguard dals 10.05.2022.
abspielen. Laufzeit 1 minuta 17 Sekunden.
cuntegn

Flem Nov project per ustaria al Lag la Cauma

Il Lag la Cauma duai survegnir sia nova ustaria. Quai trais onns suenter che la davosa emprova aveva fatg naufragi l'onn 2019 tar la votaziun al l’urna. Uschia ha la suprastanza communala infurmà la populaziun a chaschun da la radunanza communala.

audio
L'avegnir da l'ustaria Lag la Cauma
aus Actualitad vom 10.05.2022.
abspielen. Laufzeit 3 minutas 36 Sekunden.

Project vegl – en in nov vestgì  

Il project da Corinna Menn, ch’aveva gudagnà la concurrenza d'architectura avant trais onns, è vegnì adattà. Da nov duai il nov bajetg survegnir duas ustarias independentas ina da l’autra. Ina per ils giasts che vegnan a far bogn e ston pajar entrada e l'autra per quels che van a viandar u cun velo sin las sendas. Previs è ch'ina da las ustarias resta er averta durant la stagiun d’enviern. Ils custs per realisar l’ustaria muntan ussa a 7,4 milliuns francs. Quai è prest in milliun dapli che tar la davosa proposta.

Gia differentas emprovas han fatg naufragi

Betg be il 2019 aveva l'emprova per ina nova ustaria fatg naufragi, era ils onns 1997 e 2003 avevan las suprastanzas da Flem proponì da remplazzar l'ustaria al Lag la Cauma. Ils 21 d'october 2019 aveva la vischnanca preschentà a la populaziun in terz project per remplazzar l'ustaria a l'ur dal Lag la Cauma. Il Telesguard aveva rapportà da lez temp.

video
A Flem duai dar in nov restaurant dasper il lai la Cauma
Or da Telesguard dals 22.10.2019.
abspielen. Laufzeit 2 minutas 47 Sekunden.

Sch'i reussescha questa giada cun ina nova ustaria vegn a sa mussar il zercladur. La votaziun a l'urna ha numnadamain lieu ils 12 da zercladur 2022.

RTR novitads 06:00

Artitgels legids il pli savens

Scrollar a sanestra Scrollar a dretga