Ina mattatscha da set onns è morta suenter in accident durant far termagls a la staziun a val da las pendicularas a Flem. Ella haja fatg termagls dasper ina figura da lain da 1,5 meters. Quella saja cupitgada ed haja blessà la mattatscha grevamain al chau, scriva la polizia chantunala. Ils geniturs e terzas persunas hajan empruvà da gidar sco er alarmà il servetsch da salvament. Silsuenter hajan ins sgulà la pazienta a Cuira en l'Ospital chantunal. Malgrà tuttas stentas è la mattatscha da set onns morta.
Appel a perditgas
Anc n'èsi betg cler, daco che la figura da lain è crudada. Persunas ch'han observà l'accident duain s'annunziar tar il post da polizia Flem. La procura publica e la Polizia chantunala grischuna han cumenzà lur retschertga davart l'andament da l'accident.