Flem - Um da 21 onns crudà da la punt Stenna

Ensemen cun in collega saja l'um da 21 onns chaminà glindesdi notg da las 01:30 sin la punt Stenna en direcziun Flem vitg. Tenor emprimas indicaziuns saja quel ì sin il tschabargal da la punt e haja lura pers la ballantscha, uschia scriva la Polizia chantunala dal Grischun. Il giuven è crudà 30 meters en la profunditad e mort en consequenza da las grevas blessuras. Ensemen cun la Procura publica intercurescha la polizia chantunala l'andament da la crudada.