Il preventiv da la vischnanca da Flem per l'onn che vegn va ora dad entradas da 29,9 milliuns francs ed expensas da 29,7 milliuns francs. Il surpli d'entradas muntass uschia a bun 200'000 francs.
- 18 milliuns entradas da taglia
- 8,2 milliuns custs da persunal
En vista al plan d'investiziun fin l'onn 2024 quinta la vischnanca da savair investir 20 milliuns en la nova pendiculara che remplazza quella da Cassons.
Senza quella investiziun en l’attractivitad da la destinaziun ristgass la vischnanca da perder entradas da taglia, scrivan la suprastanza en il messadi. Per consequenza sajan las investiziuns ed il sbassar il pe da taglia da valitar sco plus.
Il preventiv sco era il pe da taglia ston anc vegnir approvads da la radunanza communala, ils 10 da december.
RR novitads 17:00