Durant tut quels onns ha Pader Urban pudì preschentar grondas persunalitads sco l'inventader da LSD Albert Hoffmann, il scriptur Adolf Muschg, il Cusseglier federal Otto Stich, il sociolog Jean Ziegler ubain il cabarettist Franz Hohler. Quai èn be intginas persunalitads che han referì en la sala Kaiser da la claustra da Mustér.
Passa 200 referents è pader Urban vegnì da carmalar durant quels 35 onns, en la claustra da Mustér. Be d'ina persunalitad ha el stuì desister. Michail Gorbatschow, l'anteriur secretari general da la partida communistica da l'Uniun Sovietica – el avess custà memia bler. Quai ha pader Urban confermà cun in surrir. Plinavant ha pader Urban ditg, che sia successiun na saja anc betg reglada. En mintga cas duai il forum dentant avair ina cuntinuaziun.
RR actualitad 17:00