Siglir tar il cuntegn

Header

audio
Producir energia cun far naiv
Or da Actualitad dals 29.01.2022.
laschar ir. Durada: 3 minutas 28 Secundas.
cuntegn

Forum d’energia Mustér Producir energia cun ils indrizs da far naiv

Las lingias d’aua dals indriz da far naiv èn gia fatgas. La pendenza constat e l’aua cula gia. Sulet ina turbina sto vegnir montada ed alura possian ins producir energia. Ils indriz da far naiv sajan en acziun sulet in minimal temp da l’onn e las lingias pateschian donns, sch’ellas na vegnian betg duvradas regularmain. Cun producir energia possian ins uschia nizzegiar dubel questa infrastructura existenta, e gist schanegiar las lingias, declera il promotur regiunal da la Surselva Ruedi Büchi. Il mument saja dentant la Confederaziun vida reglar il pretsch d’energia che vegn pajà, e quai saja la finala il punct decisiv: Quant che l'investider survegn.

Grond potenzial era per cooperaziuns d’aua e sistems d’aua persa

Per Ruedi Büchi è la situaziun clera: Las regiuns periferas na possian betg contribuir grond a la strategia d’energia 2050. Ma cun pliras ovras pitschnas possian ins producir almain ina part da l’energia che svaneschia senza las ovras nuclearas. E questa cumpart possian talas ovras decentralas cun infrastructura existenta contribuir, di Ruedi Büchi ch’è era mainaproject da la regiun d’energia Surselva.

Forum d’energia AlpEnForce

Avrir la box Serrar la box

Dapi il 2016 datti gia il forum d’energia a Mustér che vegn organisà mintgamai da la fundaziun center d’energia AlpEnForce. Mintg’onn vegnan scienziadas e scienziads da l’entir mund a Mustér per discutar d’energia, e surtut d’energia alternativa.

RTR actualitad 07:00

Artitgels legids il pli savens

Scrollar a sanestra Scrollar a dretga