Siglir tar il cuntegn

Header

audio
Fotografar l'atun: Gian-Andrea Huonder gauda la natira
Or da Actualitad dals 06.10.2021.
laschar ir. Durada: 04:53 minutas.
cuntegn

Fotograf passiunà Dischintoxicaziun digitala cun la camera

Gian-Andrea Huonder fa pausa dal telefonin, il computer e las medias socialas en il guaud. Là po el giudair la natira e tancar energia – sch’i dat vitiers anc ina bella fotografia, tant meglier.

Sche Gian-Andrea Huonder vul sa retrair dal mintgadi, las medias socialas e vul tancar energia va el en il guaud sur la chasa da ses geniturs a Mustér. Tge che na dastga lura betg mancar: sia camera da fotografar.

 Sche jau vom giuadora a far fotografias lura è quai per mai. Sch’i dat ina fotografia lura datti ina e sche betg lura betg. L’impurtant per mai è d’esser giuadora ed en in lieu nua ch’ins è gugent.
Autur: Gian-Andrea Huonder 21 onns

Fotografar è la gronda passiun dal giuven che fotografescha e filmescha per paginas d'internet e medias socialas da diversas fatschentas. Ir en il guaud senza la camera na vegniss per el betg en dumonda.

Durant quellas spassegiadas patratga el vid tut il pussaivel: La lavur, collegas e collegs u sur da la vita en general. Malgrà ch'el è cun ses patratgs simplamain insanua – ses egls èn alerts. Adina a la tschertga d'in nov motiv ch'ins pudess fotografar.

Pli gugent fotografar la natira che persunas

Gian-Andrea Huonder ch'ha 21 onns, fotografescha pli gugent la natira che persunas u per clients.

I dat adina spetgas. E sche jau vom giuadora, prend cun la camera e fotografesch la natira lura na datti naginas spetgas.
Autur: Gian-Andrea Huonder fotografescha gia da pitschen ensi

Perquai sappia el era tschentar giu cura ch’el va en il guaud malgrà ch’el prenda cun la camera. Perquai ch'i n’emporta betg sch’i dat la finala fotografias che pon vegnir publitgadas insanua u betg.

Trais tips per tschiffar l'atun

Tips da Gian-Andrea Huonder e dal fotograf da natira ed animals, Cundrau Spescha:

  • Ir a fotografar la damaun marvegl u la saira – lura è la glisch pli interessanta
  • Era ir a fotografar cura ch’i plova u ha tschajera – quai dat fotografias pli misticas
  • Fotografar ord differents anguls – quai fa pli unica la fotografia
audio
Fotografar l'atun: Tips e trics
03:09 min, Actualitad dals 06.10.2021.
laschar ir. Durada: 03:09 minutas.

RTR actualitad 07:00

Artitgels legids il pli savens

Scrollar a sanestra Scrollar a dretga