Franz Gschwend è il nov president da Laax

El ha gia candidà ina giada per il presidi da la vischnanca da Laax. Uss esì grategia. La radunanza communala ha elegì Franz Gschwend sco successur da Toni Camathias.

Il nov president da Laax Franz Gschwend suenter la radunanza communala. Bild in Lightbox öffnen.

Legenda da maletgs: Il nov president da Laax Franz Gschwend suenter la radunanza communala. RTR/hg

Gschwend ha survegnì 140 vuschs en il secund scrutini, ses cuntracandidat Urs Hasler 112 vuschs. Ralf Seelig è sa retratg suenter l'emprim scrutini.

Franz Gschwend ha experienza en l'executiva. El è stà 12 onns commember da la suprastanza communala da Laax. Il nov president da Laax ha 57 onns, viva dapi blers onns en vischnanca ed è mainafatschenta da las interpresas da fritgs e legums ecco-jäger e selva.

«  La vischnanca da Laax sto puspè daventar quai ch'ella era ina giada »

Franz Gschwend
nov-elegì president communal da Laax

La vischnanca da Laax stoppia puspè daventar quai ch'ella eria ina giada: curaschusa, consequenta en la realisazun ed averta per tut quai ch'è pussaivel, ha Gschwend ditg al Radio Rumantsch. Sia fermezza saja ch'el saja avert per critica ed el fetschia la lavur che vegnia surdada ad el, betg dapli e betg pli pauc.

RR novitads 06:00