Il comité d’iniziants che sa cumpona da René Epp (Sedrun), Donat Albin (Trun), Remo Decurtins (Cumpadials), Ursin Venzin (Platta) e Simon Bisquolm (Mustér), pretenda en il text da l’iniziativa ch’i vegnia instradà davent dal schaner 2017 contractivas da fusiun tranter las vischnancas da la Cadi.
Cumparegliaziun da las vischnancas
| vischnanca | surfatscha en km2 | populaziun |
| Medel | 136.20 | 389 |
| Tujetsch | 133.92 | 1'324 |
| Mustér | 91.07 | 2'070 |
| Sumvitg | 101.84 | 1'218 |
| Trun | 51.88 | 1'202 |
| Summa | 514.91 | 6'203 |
| Scuol | 438.77 | 4'690 |
| Zernez | 344.04 | 1'570 |
| Surses | 323.76 | 2'369 |
| Funtauna: AWT GR, basa STATPOP 2015 |
Differentas sfidas en l'avegnir
Tenor ils iniziants è la Cadi confruntada cun differentas sfidas en l'avegnir. E quellas possian mo vegnir schliadas communablamain. Tranter auter menziuneschan ils iniziants:
- diminuziun da la populaziun
- sperditas surproporziunalas da frequenzas turisticas
- regressiun da la forza economica
- sfidas tar ils fatgs da scola ed il sectur da sanadad
La finamira dals iniziants è d’entschaiver cun las contractivas il schaner 2017. Enfin la fin dal 2019 duai vegnir elavurà ina basa da decisiun per ina votaziun da fusiun en las 5 vischnancas.
Dretg d'iniziativa da las vischnancas
| Vischnanca | Dumber da persunas cun dretg da votar che sto firmar l'iniziativa | Temp, entaifer il qual la vischnanca sto tractar ina iniziativa |
|---|---|---|
| Medel | 40 | 6 meins |
| Tujetsch | 100 | 4 meins |
| Mustér | 150 | 6 meins |
| Sumvitg | 60 | 6 meins |
| Trun | 60 | 6 meins |
RR novitads 09:00
