Fusiun Cadi – Las iniziativas èn inoltradas

A Trun sut l'ischi ha il comité d’iniziativa surdà als presidents communals da Tujetsch, Mustér, Medel, Sumvitg e Trun las passa 900 suttascripziuns.

Ils iniziants (cun las bustas) ed ils presidents communals a Trun sut igl ischi. Bild in Lightbox öffnen.

Legenda da maletgs: Ils iniziants (cun las bustas) ed ils presidents communals a Trun sut igl ischi. RTR, Hubert Giger

Ils 6 d’october era vegnida lantschada l’iniziativa che pretenda da las vischnancas Tujetsch, Mustér, Medel, Sumvitg e Trun da sa fatschentar cun l’idea d’ina fusiun.

Exact 925 suttascripziuns han ils iniziants rimnà enfin en las 5 vischnancas ed han uschia cuntanschì en mintgina da las vischnancas il minimum da suttascripziuns per inoltrar l’iniziativa.

Suttascripziuns rimnadas per vischnanca

vischnanca
dumber abitants ils 31-12-2015
persunas cun dretg da votar
suttascripziuns necessarias
suttascripziuns rimnadas
suttascripziuns en % da las persunas cun dretg da votar
Tujetsch1'32499510013713.77%
Mustér2'0701'56015039425.26%
Medel389337409427.89%
Sumvitg1'2181'027
6014714.31%
Trun1'2029846015315.55%

Uss ston las vischnancas controllar las suttascripziuns – e sche tut è en urden – constatar uffizialmain che l’iniziativa saja valaivla. Sche quai è il cas, lura vegn l’iniziativa l’emprim tractada en las suprastanzas communalas.

RR actualitad 11:00 / 17:00