Pliras pussaivladads da chattar in num
In vitg s'identifitgeschia cun ses num. Sch'i dettia lura in nov num per ina vischnanca giaja a perder ina part dal cor, di Simon Theus da l’Uffizi chantunal da vischnancas. Per chattar in num datti pliras pussaivladads:
- Prender il num dad ina vischnanca actuala. In exempel: Trun e Schlans han fusiunà a la vischnanca da Trun.
- Salvar ils dus nums, sco Bravuogn e Filisur han fatg suenter la fusiun.
- Crear in nov num. In exempel: Tschlin e Ramosch han fusiunà a la vischnanca da Valsot.
Simon Theus fa attent, ch’ins stoppia resguardar plirs aspects, sche vischnancas fusiuneschian. La dumonda centrala saja, sch’il num haja ina tala impurtanza, ch’ins dettia a quel dapli paisa che als avantatgs d'ina fusiun.
En connex cun ina vopna vegn savens duvrà la vopna actuala dal cirquit ubain ch’in eraldicher fa propostas per ina vopna nova.
RR actualitad 08:00