Siglir tar il cuntegn

Header

video
Opposiziun cunter fusiun da Laax cun Schluein e Sagogn
Or da Telesguard dals 08.12.2022.
laschar ir. Durada: 4 minutas 6 Secundas.
cuntegn

Fusiun Laax-Sagogn-Schluein A Laax sa furma resistenza cunter la fusiun

La radunanza communala da Laax ha gì da decider tge proposta ch'ella vul far per mauns da la votaziun a l'urna en connex cun la fusiun cun Sagogn e Schluein. Cun 78 Gea encunter 73 Na han ils aderents gì in lev surpli.

La decisiun che la radunanza communala da Laax ha prendì, na vul anc dir nagut. Tenor lescha è la vischnanca obligada da tractar tut las fatschentas che vegnan decididas a l'urna avant anc en ina radunanza communala.

audio
Reto Pfister metta a lieu il resultat stretg per la fusiun
ord Actualitad dals 08.12.2022. Maletg: RTR
laschar ir. Durada: 5 minutas 45 Secundas.

Resultat sulet per il messadi

Il resultat da la votaziun vegn ussa integrà en il messadi per la votaziun a l'urna ch'ils da Laax survegnan trais emnas avant la votaziun. Durant la radunanza communala han ins per l'emprima giada udì publicamain critica envers la fusiun dals da Laax cun Schluein e Sagogn. Ils critichers da la fusiun han punctuà ch'i dettia nagina plivalur per Laax cun fusiunar e ch'ina fusiun senza Falera na fetschia nagin senn. Ils aderents perencunter han fatg valair ch'ils da Laax na perdian nagut e possian mo profitar da las sinergias che sa dettian cun fusiunar. Il resultat stretg mussa che las opiniuns èn sco i para divididas a Laax. La decisiun finala croda ils 27 da schaner 2023 a l'urna.

Sbassà il pe da taglia

Durant la radunanza han ils da Laax approvà il preventiv per l'onn 2023. Quel quinta cun in gudogn da bun 900'000 francs tar entradas da 18,4 milliuns francs.

Encunter la proposta da la suprastanza communala, ha la radunanza decidì da sbassar il pe da taglia dad ussa 50% sin 40% da la taglia chantunala simpla per l'onn 2023.

RTR novitads 06:00

Artitgels legids il pli savens

Scrollar a sanestra Scrollar a dretga