Siglir tar il cuntegn

Header

audio
L'interess è stà grond per las novas davart la fusiun planisada
Or da Sport ed actualitad dals 26.06.2022.
laschar ir. Durada: 3 minutas 51 Secundas.
cuntegn

Fusiun Laax Sagogn Schluein Anc quest atun duai dar ina decisiun

Las trais vischnancas han infurmà la populaziun la sonda suentermezdi, quant lunsch che las lavurs èn per pudair decider davart ina fusiun.

Uschia han ils responsabels che preparan ils detagls da la fusiun infurmà, che las trais vischnancas duain decider il november u il december che vegn surlonder. Ed il pe da taglia duess esser suenter la fusiun tar 40% da la taglia chantunala simpla. Era tge che succeda per il cas che ina vischnanca schess Na a la fusiun è sclerì.  Sche quai fiss il cas san las duas ulteriuras vischnancas anc ina giada decider sch’ellas vulan tuttina fusiunar u betg.

audio
Stan actual da la fusiun da Laax, Schluein e Sagogn
ord Sport ed actualitad dals 26.06.2022.
laschar ir. Durada: 3 minutas 3 Secundas.

Igl è planisà che la fusiun giess en vigur il 1. da schaner 2024. E gia preparada saja la nova vopna da la vischnanca fusiunada, hai gì num.

In um ed ina vopna projectada sin ina tenda.
Legenda: Sche Laax, Sagogn e Schluein fusiuneschan, pudess la nova vopna vesair ora uschia. RTR, Reto Pfister

RTR novitads 18:00

Artitgels legids il pli savens

Scrollar a sanestra Scrollar a dretga