Gì cletg - Accident spectacular a Fuorns – manischunz mo lev blessà

En Val Medel è in auto vegnì giud via venderdi la damaun, quai communitgescha la Polizia chantunala. In um da 59 onns era sin via da Mustér en direcziun dal Pass dal Lucmagn. A Fuorns, al cumenzament d'in plazzal, è el vegnì sur l'ur da la via or ed è cupitgà 50 meters d'ina spunda giuadora. Tenor la Polizia chantunala ha il manischunz gì cletg ed è sa blessà mo lev. In team d'ambulanza da l'ospital da Glion ha tractà l'um al lieu. Envers la polizia ha il manischunz da l'auto inditgà d'esser stà nunconcentrà.