Siglir tar il cuntegn

Surselva Garaschas fan quitads a Remo Stoffel

La firma 7132 SA da Remo Stoffel è vi da negoziar cun possessurs da garaschas per pudair realisar la tur ed il nov parc a Val S. Pieder.

otg garaschas sper la chasa Tomül
Legenda: Qua duess la tur vegnir bajegiada - pon ils possessurs da las garaschas impedir quai? RTR, L. Livers

Quai èn tut persunas che possedan ina garascha che sa chatta en il perimeter nua che la 7132 SA vul realisar il parc da Tadao Ando e la tur da 381 meters autezza. Perquai ha la 7132 SA envidà 4 radunanzas da condomini da quellas garaschas ad ina orientaziun.

Vender las garaschas

En connex cun quella orientaziun è vegnì fatg la dumonda concreta da cumprar las garaschas sch'insatgi è pront da vender. Dentant fissi era pussaivel da retrair in'autra garascha sutterana en il nov cumplex che vegn planisà, quai fiss lura l'uschenumnà barat.

Sco quai ch'Ernst Senteler da la Priora project SA ha ditg, na saja nagin vegnì gist suenter la preschentaziun cun propostas da vender garaschas, dentant hajan els pudì cumprar intginas garaschas il davos temp ed uschia vegnian els era vinavant plaunsieu.

RR novitads 18:00