Siglir tar il cuntegn

Header

Linus Arpagaus en mondura da cuschinier en sia cuschina dal Hotel Casutt
Legenda: Linus Arpagaus beneventass la nova lescha per simplifitgar l'engaschi da stagiunaris. RTR, Reto Pfister
cuntegn

Gastro Surselva «En la gastronomia fissi bun d'avair pli pauca birocrazia»

Tschintg mais en la gastronomia e tschintg mais sin il bajetg – quai stuess ir senza che las plazzas stuessan vegnir annunziadas.

Per ordinari fa ina persuna sin il bajetg en nossa regiun ina lavur stagiunala. La stagiun d’enviern po el u ella lavurar en la gastronomia. Fin ussa sto la plazza che questa persuna occupa en la gastronomia, vegnir scritta ora. Quai era sch'il lavurer dal bajetg ha gia sincerà ch'el turnia puspè en questa plazza.

Berna sto decider

La debatta en il Cussegl dals chantuns tracta uss la dumonda da simplifitgar la birocrazia per ils stagiunaris che vegnan intermediads dal RAV. La finamira fiss ch'in lavurer ch'è engaschà la stad sin il bajetg pudess ir l'enviern a lavurar en la gastronomia senza stuair annunziar sias plazzas. Actualmain hai num annunziar quellas tar l'Uffizi d'intermediaziun da lavur.

Per la gastronomia en nossa regiun, che viva fermamain dal turissem ed ha entras quai blers stagiunaris, fiss quai ideal, per simplifitgar la lavur.
Autur: Linus ArpagausPresident Gastro Surselva

RTR actualitad 07:00

Artitgels legì il pli savens

Nach links scrollen Nach rechts scrollen