Siglir tar il cuntegn

Surselva Gea a l’ovra idraulica Val Giuv/Val Mila

Il suveran da Tujetsch ha concedì il dretg d'utilisaziun da l'aua per l'ovra idraulica Val Giuv/Val Mila a l'energia alpina, quai cun passa 85% da las vuschs.

La centrala Val Giuv.
Legenda: La centrala Val Giuv. energia alpina

Il resultat munta a 463 vuschs gea cunter 80 vuschs na. L’idea è d’amplifitgar l’ovra Val Giuv cun in’ulteriura ovra che duai utilisar ina part da l’aua da la Val Mila. Per quest intent vul ins construir ina nova lingia da pressiun da 2,2 kilometers.

Cun la nov’ovra po l’interpresa energia alpina augmentar la producziun d’energia da 5,6 sin circa 9,8 milliuns uras kilowat. Ils custs d’investiziun muntan ad enturn 11,5 milliuns francs.

Uss sto anc la regenza grischuna approvar il project Val Giuv/Val Mila.

RR Novitads 12:00