Siglir tar il cuntegn

Header

video
Cun in clic clamar il postin: Schanzas e sfidas da la digitalisaziun
Or da Telesguard dals 02.10.2020.
laschar ir
cuntegn

Generaziun analoga «Jau na vi betg quest internet en chasa, fertig!»

Empustar bigliets da tren, far pajaments, guardar l'urari dal tren: Tut quai capita oz savens online. Dentant na fa la generaziun pli veglia savens betg part da quest mund digital. L'exempel cun La Posta a Surrein mussa, midadas pon era esser ina schanza per emprender insatge nov.

Giuanna Candinas ha 75 onns e viva a Surrein. Per cas urgents dovra ella in telefonin, ma dapli tecnologia na vul ella betg.

Jau na vul betg quest internet en chasa, fertig. La glieud è adina vid guardar en l'internet e quai na plascha betg a mai.
Autur: Giuanna Candinasabitanta da Surrein

Midadas tar La Posta

Mintgatant fiss l'internet dentant tuttina flot. Cunquai che Surrein n'ha nagina filiala da La Posta pli en il vitg, datti là il servetsch da chasa. Da nov sto quel vegnir clamà via internet ubain analog cun in scanner. Questa midada ha dà da discutar en il vitg.

L'uniun da dunnas s'engascha

La presidenta da l'uniun da las dunnas, Giuanna Albin, ha decidì da gidar. Ella ha organisà in pitschen curs davart quest nov sistem.

Jau hai sentì che questa midada chaschuna quitads tar las senioras ed ils seniors en il vitg. Jau vi gidar e mussar che quai n'è nagin striegn.
Autur: Giuanna Albinpresidenta uniun da las dunnas Surrein

Tranter analog e digital

I dettia ina sfessa tranter analog e digital en la societad. Quai badan ins tar novas chaussas. L'emprim contact cun ina tala, stoppia esser positiv, di la perscrutadra da la Scola auta spezialisada dal Grischun, Kerstin Wagner. En il cas ideal succedia quai cun ina persuna che mussia.

I dovra ina persuna che gida da surmuntar l'obstachel dal nov. Sche quai succeda, alura vegn tut pli simpel.
Autur: Kerstin Wagnerperscrutadra digitalisaziun FH Grischun

surmuntà ils dubis

Quai mussa era l'exempel da Surrein. Suenter paucas minutas han Giuanna Candinas e sias collegas chapì, co quest nov apparat funcziuna. Ma ella saja tuttina cuntenta, ch'ella na dovria en futur nagin internet per empustar il postin.

Telesguard 17:40

Artitgels legids il pli savens

Scrollar a sanestra Scrollar a dretga