Siglir tar il cuntegn

Header

cuntegn

Giachen Cagienard: «8 emnas pausa da golf èn strusch da tegnair or»

L'um da 66 onns e senior da golf, Giachen Cagienard, ha fatg vess l'ultim temp da stuair da desister da ses sport preferì.

Cumenzà a dar Golf ha Giachen Cagienard avant 11 onns. In sportist è el dentant stà sia entira vita. Gia da buob ha el cumenzà sco ballapedist e hockeyan a Trun.

Far sport cun ballas e cun bastuns, ha el pia simplamain en il sang. Sco senior da golf ha el in handicap singul da 7,2. Quai ch'è fitg bun, gie quasi unic en Surselva.

Suenter 8 emnas pausa da Corona sentan ins, ch'il schlantsch è in zic ì a perder.
Autur: Giachen CagienardGolfist passiunà

Il lockdown è stà in grev temp per il golfist passiunà, ma el ha chattà ina schliaziun d'urgenza:

Jau hai spetgà vess ch’i giaja puspè liber cun dar golf. Mintgatant hai jau simplamain dà in per ballas sin il prà, per betg far ruina.
Autur: Giachen CagienardGolfist passiunà

Giachen Cagienard n'è dentant betg be in giugader passiunà da golf, ma er in engaschà. Uschia ha el sponsurà la rusna 10 da la plazza da golf Schluein. Cun quest sponsuradi sustegn el il club gia dapi l'entschatta.

Tgi che vul dar golf sin in tschert nivel, sto dar golf da tutta aura.
Autur: Giachen CagienardGolfist passiunà

RTR actualitad 08:00

Artitgels legids il pli savens

Scrollar a sanestra Scrollar a dretga