Il project «Oh Tavanasa» saja sin buna via, ha il manader dal project Rino Caduff ditg. Ins saja en il plan da termins ed haja sut controlla il budget. Actualmain vegnan var 70 gidanters tschertgads. Quests dovri per bajegiar si e puspè giu l’infrastructura, per guidar la glieud tras l’exposiziun, per la restauraziun e bler auter, ha Michel Brunner ditg, il responsabel per ils gidanters.
Vendita da bigliets ha cumenzà
Dapi la fin d’avrigl pon ins empustar bigliets per las 7 producziuns da teater en il liber e l’exposiziun tras il vitg da Tavanasa. Tenor Rino Caduff saja quai impurtant dad avair 7 preschentaziuns vendidas ora per cuvrir ils custs budgetads da 308’000 francs. Quels custs vegna per gronda part cuverts da sponsurs ed il rest cun las entradas da la vendita da bigliets.