Siglir tar il cuntegn

Header

cuntegn

Gimnasi claustral Mustér Entira scola en home-schooling

Davent dad immediat è l’entir gimnasi da la claustra a Mustér serrà. Enstagl d'en stanza da scola han ils giuvenils e las giuvenilas scola da chasa anora. Quella mesira duai valair enfin ils 17 da matg. Quest'emna èn dus dis da scola pertutgads. L'emna che vegn è pervi d'Anzainzas pli curta.

audio
Gimnasi claustral Mustér: Entira scola serrada causa corona
02:30 min, Actualitad dals 05.05.2021.
laschar ir. Durada: 02:30 minutas.

Adina dapli tests positivs

La 5 e 6avla classa fa gia dapi glindesdi home-schooling. Ils tests da pool che sajan vegnids fatgs vinavant, hajan mussà tests positivs tar pliras persunas d'ina ulteriura classa. Tenor il rectur da la scola Tom Etter haja quai dà l'impuls da prender la decisiun e trametter l'entira scola, pia tuttas sis classas, a chasa. Uschia veglia la scola evitar ch'i dettia ulteriurs contacts tranter scolaras e scolars u cun terzas persunas.

Probablamain: Infecziuns sur fin d'emna

Daco u danunder ch'il coronavirus è arrivà en la scola na po il rectur Tom Etter betg respunder cun tschertezza. Quai na saja betg d'eruir. Però pudessan las fins d'emna avair influenzà la situaziun en la scola.

Ins na dastga betg emblidar. La fin d'emna èn ils scolars en gir e s'inscuntran cun auters.
Autur: Tom Etterrectur dal gimnasi claustral Mustér

Sur la fin d'emna capitia pia bler ed uschia possia il virus er puspè vegnir en scola. En consequenza parta Tom Etter dal fatg, ch'i sa tracta da duas chadainas d'infecziuns independentas, e betg ch'i haja dà infecziuns tranter las classas.

Sco RTR aveva intervegnì, sajan ils tests vegnids manipulads – per spass u per cugliunar. Quai na po il rectur betg attestar. Sco el ha declerà, vegnian ils tests fatg sut surveglianza e cunquai che las classas na sajan betg uschè grondas, hajan ins sut controlla quai. I na dettia nagina manipulaziun.

Magistraglia betg pertutgada

La situaziun tar la magistraglia mussa in auter maletg. Nagin da las scolastas u dals scolasts sajan vegnids testads positiv sin Covid-19, concluda il rectur.

RTR novitads 10.00

Artitgels legids il pli savens

Scrollar a sanestra Scrollar a dretga