Siglir tar il cuntegn

Header

audio
TRUN - GIMNASIASTAS EXPONEN LUR ART ORD DA CARTUN
Or da Actualitad dals 08.10.2021.
laschar ir. Durada: 03:55 minutas.
cuntegn

Gimnasi Mustér Art enstagl da scola

La classa 5G dal gimnasi da la scola claustrala a Mustér è in’emna stada artistas ed artists. Uschia han els creà ovras ord chartun ed alura preschentà quellas en ina inscenaziun, ina performanza. Quai cun il sustegn dals dus scolasts Gianin Conrad e Quirina Lechmann.

In'emna che las scolaras ed ils scolars dal gimnasi da la scola claustrala a Mustér na vegnan betg ad emblidar uschè svelt. L’ultima emna avant las vacanzas d’atun èn els stads artistas ed artists. Mintga gruppa ha creà ina ovra ord chartun ed alura era preschentà quellas. La finala ha quai dà maschinas da dumbrar munaida, tualettas da chartun, sco era installaziuns da murmlas.

Per ils responsabels è l’emna stada in success. Uschia hajan ins pudì mussar a las scolaras ed ils scolars l’art contemporan e surtut il curaschi da pudair s’exprimer era en ina autra furma ch’usità, di Quirina Lechmann, scolasts d’englais e tudestg ma era chantadura d’opera.

Dapli spazi per la creativitad

Ina da las finamiras saja stà da pussibilitar a las scolaras ed ils scolaras da s’inscuntrar en ina autra moda e da pudair vesair ch’ins po far art, ma era che quai n’è betg simpel. En ina preschentaziun han alura tuts mussà lur ovras. L’emna saja stada in eveniment era perquai ch’ins haja pudì discurrer liber cun mintg’in ed uschia era emblidar il temp. I duvrass anc bler dapli da quellas emnas, è il facit d’in scolar.

RTR

Artitgels legids il pli savens

Scrollar a sanestra Scrollar a dretga