L’inizianta da quai festival è Ann Nielsen. La chantadura è oriundamain dal Danemarc, ma abita dapi passa 20 onns en Svizra.
L’idea era da porscher ina saira cun buna musica da la regiun. E lura hai jau direct patratgà vid Paula Mia, Fiona Cavegn e Chiara – fitg “girly”. Uschia che jau sun sa decidida da numnar il festival Girl Power festival.
-
Bild 1 von 4. Paula Mia ha avert il festival. Bildquelle: RTR.
-
Bild 2 von 4. Fiona Cavegn ha accumpagnà sa sezza cun la ghitarra. Bildquelle: RTR.
-
Bild 3 von 4. La band Ann Nielsen cun il sulet musicant masculin quella saira, Tumasch è, Ann Nielsen ed Anna Lena (d.s.). Bildquelle: RTR.
-
Bild 4 von 4. La band Chiara ha serrà il festival. (Larissa Cathomen, Lea Huber, Momo Kawazoe e Chiara Jacomet (d.s.)). Bildquelle: RTR.
En chasa da scola a Vuorz
Il festival ha gì lieu, sonda ils 5 da settember a Vuorz. Il foyer da la halla da gimnastica è vegnì transfurmà en ina sala da concert en stil oriental.
-
Bild 1 von 3. Il foyer da la halla da gimnastica è daventà local da concert per quella saira. Bildquelle: RTR.
-
Bild 2 von 3. Sper sutgas savevan ins era seser sin plumatschs. Bildquelle: RTR.
-
Bild 3 von 3. La decoraziun en stil oriental. Bildquelle: RTR.
Promover chantaduras giuvnas
La finala è il motto da quai festival era, da far attent sin las dunnas che fan musica. Pertge sch’ins mira sin ils line-ups da blers open airs, domineschan ils artists masculins la tribuna.
Las giuvnas han mintgamai sunà radund 30 minutas e per part era tut novas chanzuns. Per ina u l’autra era è l’emprima giada puspè sunar avant public dapi il lockdown.
Ma betg mo las musicantas han giudì la saira, era ils aspectaturs.
E tgisà sch’ì dat proxim onn ina segunda ediziun dal festival – la motivaziun fiss en mintga cas avant maun.