Dals 13 auturs ed auturas èn trais dunnas ch'han scrit per il Tschespet 78, l'ediziun giubilara ch’è vegnida fatga aposta per il 100avel onn dapi che l'emprim Tschespet è cumparì il 1921. Dus dals auturs èn gia morts, numnadamain Flurin Camathias, ch’è stà l'emprim autur en il Tschespet 1 e Theo Candinas ch’è morts da curt. En la laudatio per Theo Candinas ha Martin Cabalzar, ch'administrescha ses relasch, gist plazzà il giavisch dad edir proximamain in Tschespet deditgà a l'autur da Surrein.
Legenda:
Alberto Palaia president Surselva Romontscha, ch'edescha il Tschespet.
RTR, Linus Livers
Sco Alberto Palaia ha tradì è quest giavisch crudà sin bun terren e pudess senz'auter daventar realitad. Per il Tschespet 78 da quest onn ha Palaia chattà ina schelta d'auturs che dattan propi ina survista davart la lavur litterara da la Surselva.
audio
Tschespet: Giubileum da 100 onns
ord Actualitad dals 23.10.2021.
laschar ir. Durada: 4 minutas.