Siglir tar il cuntegn

Header

Il comité d'organisaziun (da sen): Curdin Brugger, Pascal Berther, Elvira Deplazes, Ursina Vinzens, Christian Albin
Legenda: Il comité d'organisaziun (da sanester): Curdin Brugger, Pascal Berther, Elvira Deplazes, Ursina Vinzens, Christian Albin Ursina Vinzens
cuntegn

Giubileum da 5 onns ROCKseDRUN: enavant cun musica rumantscha

Il festival da ROCKseDRUN dastga festivar il giubileum da 5 onns. Per quest motiv han ils organisaturs engaschà l’enconuschent musicist svizzer Philipp Fankhauser. Ma era en la 5avla ediziun che ha lieu ils 9 e 10 d'avust stat la musica rumantscha en il center dals concerts.

La glieud chatta quai simpatic

Il concept cun laschar sunar gruppas ubain chantauturs rumantschs saja sa cumprovà, di Curdin Brugger dal comité d’organisaziun.

La glieud chatta quai simpatic. Quai è noss linguatg e nossa cultura. Jau crai era ch’ils giasts che vegnan als concerts chattan, ch’i saja bel perquai ch’ins vesa che quest linguatg viva.
Autur: Curdin Brugger
audio
Mezdi: Tschintg onns ROCKseDRUN
ord Actualitad dals 06.08.2019.
laschar ir. Durada: 2 minutas 49 Secundas.

Mintgin po vegnir e giudair quests dus dis

Sch’ins resguarda la cultura rumantscha va quai era pli tgunsch da persvader ils sponsurs, sco la responsabla per las finanzas Elvira Deplazes ha ditg. Las gruppas survegnan ina gascha, ils visitaders na ston dentant betg pajar in’entrada.

Quai n'è betg nossa filosofia. Nossa idea è che mintgin po vegnir e giudair quests dus dis. I duai esser ina festa da famiglia ed ina sentupada per mintgin.
Autur: Elvira Deplazes

ROCKseDRUN 2019

Las bands dal venderdisLas bands da la sonda
No FutureHess & the Spanky Hammers
Folk Road ShowGaliots
Philipp FankhauserMattiu e Compania

Ord l'archiv - ROCKseDRUN 2018

RR actualitad 12:00

Artitgels legids il pli savens