Giusep Capaul da Lumbrein che abitescha a Mustér, po festivar ils 18 d’avrigl 2017 ses 80avel natalizi. El festivescha quest natalizi en il ravugl da sia famiglia en buna sanadad. Gea ins pudess dir che Giusep Capaul saja cun 80 anc adina activ, perfin en il mastergn da schurnalist. Cun quest mastergn ha el cumenzà l'onn 1970 tar la Gasetta Romontscha. Scrit per la gasetta ha el dentant gia sco student, e scriver è restà in da ses gronds plaschairs.
Giusep Capaul è ina persuna publica en Surselva. Ins enconuscha el sco schefredactur da l'anteriura Gasetta Romontscha, el è dentant era s’engaschà per la cuminanza rumantscha sur ils cunfins dal chantun Grischun ora. Uschia è el stà confundatur da la Pro Svizra Rumantscha.
L'onn 2009 ha Giusep Capaul pudì retschaiver il premi da renconuschientscha dal chantun Grischun.
Ils usits religius e culturals da la Surselva stattan ad el a cor. Era cun 80 onns cumbatta el per mantegnair quella cuminanza rumantscha.
RR actualitad 12:00