Siglir tar il cuntegn
cuntegn

Surselva Giusep Flepp è nov maina fatschenta da la scola da skis Mustér

Suenter che Franco Tomaschett è sa disgrazià mortalmain il cumenzament da favrer ha la scola da skis e snowboard gì da tschertgar in nov manader.

Il nov maina fatschenta da la SSSM, Giusep Flepp.
Legenda: Il nov maina fatschenta da la SSSM, Giusep Flepp. mad

La suprastanza da la Scola da skis e snowboard Disentis/Mustér (SSSD) ha elegì Giusep Flepp (47) da Curaglia ord plirs candidats. Sco quai ch’i vegn scrit en ina communicaziun sajan ins persvas d’avair tschernì la dretga persunas per las sfidas che spetgan la scola da skis e snowboard ils proxims onns. Ina da las grondas incumbensas vegnia il schlargiament da la purschida e l’adattaziun a las pretensiuns dad indigens e turissem ad esser.

Giusep Flepp è creschì si en la Val Medel ed è dapi decennis commember dal team da la scola da skis e snowboard Mustér. El vegn a dar si ses puresser per surpigliar il post sco maina fatschenta da la scola da skis e snowboard. Durant ils mais d’october fin avrigl è il pensum da lavur dotà cun 100%, durant il rest da l’onn cun 20%. Giusep Flepp cumenza l'emprim d'avust la plazza.