Siglir tar il cuntegn

Header

cuntegn

Surselva Giuvens ustiers per ustaria Cucagna a Mustér

Suenter in onn vegn l’ustaria Cucagna puspè reaverta ils 22 da december 2016. Dus giuvens ustiers oriunds da la Germania mainan il manaschi.

audio
Pèr giuvegn surpiglia ustaria Cucagna a Mustér
ord Actualitad dals 02.12.2016.
laschar ir. Durada: 2 minutas 50 Secundas.

Manuela e Michael Kanski èn ils dus gastronoms che mainan l’ustaria Cucagna a Mustér. Entant che Michael Kanski ch’è cuschinier, restauratur e hotelier diplomà è responsabel davos las culissas ch’il manaschi marschia, è la spezialista da hotellaria, Manuala Kanski, a la front tar il giast.

L’ustaria duai porscher tratgas per mintga bursa, declera Manuela Kanski. Da mezdi vegnian purschids menus e la saira ina bella purschida à la carte. Sin la carta duain figurar tratgas ord l’entira paletta da tratgas da las Alps. Ditg curt: Tratgas cuschinadas ed interpretadas a moda e maniera moderna e frestga. Spezialitads tipicas grischunas na vegni probabel betg a dar. Questas cuschinian ils gastronoms indigens meglier ch'els, manegia Manuela Kanski.

Il pli fitg sa legran Manuela e Michael Kanski sin l’avertura. Sin ils inscunters cun indigens e giasts da vacanzas e sin ch’els dastgan preschentar lur tratgas e lur cordialitad.

RR actualitad 11:00

Artitgels legids il pli savens