Siglir tar il cuntegn

Header

L’entrada dal hotel Acla da Fontauna.
Legenda: Dapi 17 onns èn las portas da l'hotel serradas. RTR, Hubert Giger
cuntegn

Surselva GKB venda hotel Acla da Fontauna

Sco quai che la Banca Chantunala Grischuna communitgescha, haja ella vendì las trais parcellas da l’areal Hotel Acla da Fontauna a Mustér.

Tenor da banca chantunal saja la vendita ad ina interpresa grischuna la soluziun per in avegnir persistent da l’entira regiun.

La nova societad vegn formada da la Brandis investment SA, Miro Imobilien SA e Due Sentieri SA.

Sco Mathis Störi da la Brandis Investment ha ditg ad RTR, saja pli simpel da realisar in project da successiun cun quests trais partenaris. Davart il pretsch da cumpra na datti naginas indicaziuns uffizialas.

L’hotel Acla da Fontauna è serrà dapi l’onn 2000. L’Intersoc, la societad d’ina cassa da malsauns beltga, n’aveva betg pli prolungà ils contracts da locaziun.

RR novitads 18:00