Siglir tar il cuntegn

Header

cuntegn

Surselva Glion: 4 terapeutas sut 1 tetg

Dapi il november 2015 lavuran 4 terapeutas da differentas direcziuns en il medem lieu. Ellas s’occupan da differents aspects da la sanadad umana: la psica, il moviment, il nutriment sco era l’energia spirtala.

Dapi entgins onns han la psicoterapeuta Lucrezia Berther e l’omeopata Sarah Gliott-Bucher mintgina sia pratica ella medema chasa. Cura che Lucrezia Berther ha tschertgà cun ina annunzia novs locaturs per duas stanzas vidas da sia pratica, sa èn la pedagoga da Feldenkrais Erna Furger e la guaritura mediala Sonja Varana Vinzens annunziadas. Uschia è naschida la constellaziun cun 4 differentas terapeutas sut 1 tetg.

audio
Glion - Las 4 terapeutas sut 1 tetg
ord RTR Audio dals 06.01.2016.
laschar ir. Durada: 3 minutas 4 Secundas.

Barat professiunal

In grond avantatg da questa constellaziun è tenor Lucrezia Berther il barat professiunal cun las autras terapeutas. Infurmaziuns sur da clients na stgomian ellas dentant betg. Lur purschida possia esser cumplessiva, dentant mo sin giavisch dal client. Sche quai fiss il cas, preschentian ellas sa chapescha la lavur da las autras terapeutas, ellas na vendian dentant betg activ la purschida da quellas.

Ensemen e tuttina per sasez

Di da las portas avertas

Avrir la box Serrar la box

Venderdis ils 22 da schaner han las 4 terapeutas organisà in di da las portas avertas. Davent da las 15:00 enfin las 22:00 a la Via Santeri 12 a Glion.

Era sche las 4 terapeutas han lur praticas sut il medem tetg, lavurar lavura mintgina per saseza. Mintgina ha sia atgna stanza, gie schizunt in agen stgalin sper la porta d'entrada. Ina situaziun che ha tenor Lucrezia Berther era avantatgs per lur clients. Ina persuna che observia tgi che vegnia tar ellas na possia uschia betg dir, tar tgi exact che questa persuna giaja. Quai garanteschia ina tscherta anonimitad. Lur purschida possia esser cumplessiva, dentant mo sin giavisch dal client.

Artitgels legids il pli savens