Glion acquista dretgs da l’areal militar a Rueun

Per acquistar il dretg da construcziun e da las construcziuns autas sin l’areal militar da Rueun, ha il parlament da la vischnanca da Glion approvà il credit necessari.

Vista sin Rueun Bild in Lightbox öffnen.

Legenda da maletgs: Il vitg da Rueun, davostiers l'areal militar cun ils bajetgs gronds. RTR, Hugo Schär

Unanimamain ha il parlament da Glion approvà il credit da 1,333 milliuns francs per acquistar il dretg da construcziun sin l’areal militar. Quel appartegn da nov ad ina zona d’industria e commerzi, scriva la vischnanca da Glion.

Deliberà «Masterplan Mundaun»

Plinavant ha il parlament da Glion deliberà cun clera maioritad per mauns da la votaziun a l’urna la fundaziun d’ina societad d’infrastructura cuminaivla, quai sin basa dal «Plan da basa enturn il Mundaun». Quel cumpiglia era las vischnancas da Sursaissa Mundaun e da Lumnezia, sco era las pendicularas Sursaissa Mundaun. La vischnanca da Glion sa participass vid la societad cun 1,38 milliuns francs, ultra da quai è previsa ina garanzia da 3,46 milliuns francs.

RR novitads 09:00