Legenda:
Durant duas fins d'emna sajan ils craps vegnids derschids cun violenza.
MAD, Polizia chantunala GR
A Glion han nunenconuschents donnegià las duas fins d’emna passadas crappa d’ina exposiziun d’art en il liber. I sa tracta da crappa da l’exposiziun d’art «Schichtwechsel – La Surselva» che cuzza passa trais onns. Sin la plazza cumin èn dus craps ch’eran fixads giun plaun cun stangas da fier e fundaments da betun vegnids derschids cun violenza, scriva la Polizia chantunala. Il donn material munta a plirs millis francs. Ils delicts sajan capitads las notgs sin dumengia, ils 29 da matg e sin sonda, ils 4 da zercladur.
La Polizia chantunala tschertga perditgas e supplitgescha d'annunziar observaziuns al post da polizia a Glion.
audio
Per tadlar: las novitads da las 17:00
ord RTR Audio dals 07.06.2022.
laschar ir. Durada: 4 minutas 58 Secundas.