Davent dal 1. da november è l'apoteca Tomaschett en la via da la staziun a Glion ina filiala d'apoteca Amavita. L'anteriur possessur ha tschertgà ina schliaziun da successiun ed è sa decidì da vender l'apoteca a la chadaina d'apotecas naziunala Amavita.
Grondas midadas vi da l'apoteca na vegnia per il mument betg a dar, ha ditg Filip Nay a RTR. Il mainafatschenta, che ha era gia lavurà en l'apoteca Tomaschett, ha era confermà ch'il persunal restia il medem.
Las grondas midadas vegnian il mument plitost a succeder davos las culissas. Esser part d'ina chadaina naziunala d'apotecas dettia ad el dapli pussaivladads per engrondir e megliurar la purschida. Ina midada visibla vegnia pir a dar l'onn 2018, cura ch'il local da vendita vegnia renovà ed adattà a la cumparsa standard da las apotecas Amavita.
RR actualitad 17:00