15 Jahre iPod Glion approvescha cunvegna cun Center da formaziun Surselva

Il parlament communal da Glion ha approvà la cunvegna da prestaziun cun la Regiun Surselva per la gestiun dal Center da formaziun Surselva.

La chasa nua ch'il parlament vegn ensemen. Bild in Lightbox öffnen.

Legenda da maletgs: Il parlament communal da Glion ha approvà la cunvegna da prestaziun cun la Regiun Surselva per la gestiun dal Center... RTR, Sandra Monn

La decisiun dal parlament vegn anc suttamessa a la votaziun dal pievel dals 27 da november. Las 17 vischnancas da la Surselva èn actualmain vidlonder d'approvar ina cunvegna da prestaziun da diesch onns per il Center da formaziun Surselva.

Il Center da formaziun Surselva cumpiglia purschidas da furmaziun, cultura e terapia en Surselva. El occupa 105 collavuraturas e collavuraturs (avust 2016). Cun ina summa da paja da radund 4,5 milliuns francs è il Center da formaziun in dals patruns impurtants en la regiun.

La cunvegna cun la regiun è vegnida necessaria entras la refurma territoriala. Questa cunvegna duai remplazzar sin il 1. da schaner 2017 la cunvegna da prestaziuns cun las vischnancas singulas.

Plinavant ha il parlament da Glion approvà ina garanzia da deficit da radund 90’000 francs per las festivitads Refo500. Qua vai per Glion sco citad da refurmaziun.

RR novitads 15:00