A Glion datti ord duas fatschentas ina: La fatschenta per installaziuns tecnicas da chasa Caduff Haustechnik surpiglia la fatschenta per installaziuns sanitaras e stgaudaments Schleich e Collenberg. Tenor la communicaziun va la midada en vigur il 1. da schaner 2022.
Il persunal na perda betg la plazza. Las nov persunas che lavuran actualmain tar Schleich e Collenberg lavuran a partir da l'onn nov vinavant tar la fatschenta Caduff, uschia ch’il dumber da persunal crescha là sin 22 persunas, plus 6 persunas en emprendissadi.
Legenda:
Carli e Letizia Collenberg e Tania Simeon-Caduff ed Iso Caduff (da san.).
MAD
Er per la clientella saja la schliaziun optimala, vegnan Letizia e Carli Collenberg citads en la communicaziun. Pertge er il futur giajan ils medems montaders da service tar la clientella.