L’automobilist e sia accumpagnadra era en viadi da Vella en direcziun da Glion, la dumengia enturn mesa las endisch, ha communitgà ha la Polizia chantunala. Datiers da la baselgia S. Martin haja l’um da 21 onns surpassà in auto da posta. Cun puspè vulair turnar sin il vial dretg è l’auto vegnì giud la via ch'era bletscha. La raschun n'è anc betg clera.
Suenter far ina cupitgola è l’auto collidà var 30 meters sut la via cun ina planta. L’automobilist e sia accumpagnadra èn sa blessads levamain. Tenor la polizia na sa tracti betg da visitaders da l’Open Air Lumnezia. Durant duas uras è il traffic stà disturbà per part, pervi da las lavurs da rumida.
RR novitads 16:00