Glion: Edifizi evacuà pervia da fim en il corridor

En il center da Glion ha il bajetg, nua ch'il negozi SPAR sa chatta, stuì vegnir evacuà pervia d'in alarm da fieu. Persunas n'èn betg vegnidas blessadas.

Il pumpiers discutan la situaziun avant la stizun. Bild in Lightbox öffnen.

Legenda da maletgs: Il pumpiers discutan la situaziun avant la stizun. RTR, L. Livers

Pumpiers e sanitad avant la chasa che ha brischar. Avrir maletg en lightbox.

Legenda da maletgs: Era igl auto da malsauns è sta per segirtad sin il plaz. RTR, Linus Livers

Cuort avant las 17:00 èn ils pumpiers da Glion vegnì alarmads. En la Glennerstrasse saja fim el corridor da la chasa numer 10.

Sco quai che Gion Casaulta, il chapitani da pumpiers da Glion, ha ditg ad RTR na saja la raschun da la fimera anc betg sclerida. Els hajan sco emprim stuì deliberar ils corridors dal fim e lura evacuar ver 25 persunas che abitan en quella chasa da tschintg auzadas. I n'ha dà nagins blessads. Casaulta quinta che las persunas sappian anc el decurs da questa sera turnar en lur abitaziuns.

En tut èn stads var 35 pumpiers cun in auto da cisterna en acziun.